नेपालीहरुको दोश्रो महान् चाड दिपावली, नेपाल सम्वत्, तथा छठ पर्वको पावन अवसरमा नुवाकोट काठमाडौं पत्रकार समाजले एक शुभकामना आदान प्रदान, अन्तरक्रिया तथा चियापान कार्यक्रम आयोजना गरेको छ ।
काठमाडौंको बालुवाटारस्थित शिवपुरी उच्च मा.वि.मा आगामी कार्तिक ९ गते बिहान ८ बजेबाट शुरु हुने उक्त चियापान तथा अन्तरक्रिया कार्यक्रममा परराष्ट्र मन्त्री डा. प्रकाशशरण महत, कृषि राज्य मन्त्री राधिका तामाड., तथा पूर्व मन्त्रीहरु डा. रामशरण महत, डा. प्रकाशचन्द्र लोहनी, महेन्द्र बहादुर पाण्डे, हित बहादुर तामाड., एमाले पोलिटव्यूरो सदस्य विष्णु रिमाल, नेपाली काँग्रेसका केन्द्रीय सदस्य बहादुरसिंह लामा, सांसद जगदिश्वर नरसिंह के.सी. र राज्यलक्ष्मी श्रेष्ठ, पूर्व सचिव तुलसी सिटौला तथा वरिष्ठ पत्रकार किशोर नेपालले सम्बोधन गर्ने कार्यक्रम रहेको आयोजकले जनाएको छ ।
