बासेल। बासेल नेपाली समाजको आयोजनामा बासेल कप भलिबल प्रतियोगिताको उपाधि बेर्न नेपाली समाजको टिमले जितेको छ। यही शनिबार बासेलको रिहेनमा भएको फाइनल खेलमा बेर्न टिमले बासेल ए टिमलाई हराउँदै उपाधि हात पारेको हो।
प्रतियोगिताको विजेता बेर्न टिमले नगद १००० स्वीस फ्रान्क, शिल्ड र माया को चिनो, उपविजेता बासेल ए टिमले नगद ५०० स्वीस फ्रान्क र माया को चिनो, तेस्रो हुने आराउ टिमले माया को चिनो प्राप्त गरेका छन्।
प्रतियोगितामा जुरीख टिम, आराउ टिम, बासेल ऐ टिम, बासेल बि टिम, बेर्न टिम, सोलु टिम र एनआरएनए स्विट्जरल्याण्ड टिमको सहभागिता रहेको थियो।
बासेल नेपाली समाजका अध्यक्ष रेशम रोक्का, समाजका सदस्य जिवन भट्टराई र सुसिला थापाले खेलाडीहरूलाई पुरस्कार वितरण गरेको थियो।
भलिबल प्रतियोगिता कार्यक्रम संगीतमय
प्रतियोगितामा युरोप भ्रमणमा रहेको नेपालबाट राष्ट्रिय लोक तथा दोहोरी गीत प्रतिष्ठान नेपालको पूर्व केन्द्रीय अध्यक्ष चन्द्र शर्मा र इटलीबाट गायिका सकुन्तला थापाले आफ्ना लोकप्रिय गीतहरू सुनाए। गायिका सकुन्तला थापा सँग चन्द्र शर्माको लोक भाकामा दोहोरी घम्साघम्सी समेत चलेको थियो। कलाकारहरूको प्रस्तुतिले भलिबल प्रतियोगिता कार्यक्रम संगीतमय बनेको थियो।
