काठमाण्डौ- नेपालमा पछिल्लो २४ घण्टामा थप १ हजार २ सय ७२ जनामा कोरोना संक्रमण पुष्टि भएको छ ।
स्वास्थ्य मन्त्रालयका अनुसार शुक्रबार थप १ हजार २ सय ७२ जनामा कोरोना संक्रमण पुष्टि भएको हो । पछिल्लो २४ घण्टामा १ हजार ५सय ७५ जना निको भएर फर्किएका छन् । योसहित कोरोनाबाट निको हुनेको संख्या देशभर २ लाख ३८ हजार ८ सय ६१ पुगेको छ ।
त्यस्तै, कोरोना संक्रमणबाट शुक्रबार थप १६ जनाको मृत्यु भएको मन्त्रालयले जनाएको छ। योसँगै कोरोनाबाट मृत्यु हुनेको संख्या १ हजार ५सय ६७ पुगेको छ ।
हाल देशभर सक्रिय संक्रमितको संख्या १५ हजार ४४७ रहेको छ । मन्त्रालयका अनुसार संक्रमित निको हुने दर ९२.९ प्रतिशत रहेको छ ।
