काठमाडौ – राष्ट्रिय परीक्षा बोर्डले सोमबार एसईईको परीक्षाफल प्रकाशित गरेको छ ।
आज बसेको बोर्डको बैठकले परीक्षाफल प्रकाशित गर्ने निर्णय गरेको जनाइएको छ । यस पटक एसईईको नतिजा पहिलोपटक विद्यालयकै आन्तरिक मुल्यांकनबाट गरिएको हो ।
यसपटक एसईई परीक्षामा चार लाख ८२ हजार विद्यार्थीले भाग लिन फारम भरेको थिए । तर नतिजा भने ४ लाख ७२ हजार ७८ जनाको मात्र आएको छ ।
चैत ६ गते हुने भनेको परीक्षा कोरोना महामारीका कारण स्थगित भए पछि आन्तरिक मुल्यांकनबाट नतिजा प्रकाशन गरिएको हो । परीक्षाफलको नतिजा राष्ट्रिय परीक्षा बोर्डको वेबसाईट लगायत विभिन्न माध्यमबाट प्राप्त गर्न सकिनेछ ।
कोरोनाभाइरसको महामारी लामो समयसम्म गएपछि सरकारले जेठ अन्तिम साता विद्यालयद्वारा गरिएको आन्तरिक मूल्याङ्कनलाई आधार बनाएर नतिजा सार्वजनिक गर्ने निर्णय गरेको थियो ।
लामो समयसम्म विद्यार्थी तथा अभिभावकहरूलाई अन्यौलमा राखिराख्न उचित नभएको निष्कर्षसहित सरकार यो निर्णयमा पुगेको थियो ।
