यूरोपमा नेपाली एकता समृद्ध नेपालको आवश्यकता भन्ने मूल नाराका साथ गैर आवासीय नेपाली संघको दशौं यूरोेपेली क्षेत्रीय बैठक तथा आठौं महिला भेला जर्मनीको फ्रयाङ्कफर्टमा शुरु भएको छ ।
दुई दिनसम्म चल्ने उक्त भेलाको कार्यक्रमका प्रमुख अतिथि जर्मनीका लागि नेपाली राजदूत रमेश प्रसाद खनालले गरे।
समारोहमा गैर आबासीय नेपाली संघका संस्थापक अध्यक्ष डा।उपेन्द्र महतो,बर्तमान अध्यक्ष शेष घले तथा पुर्ब अध्यक्ष जीवा लामिछाने लगायत एनआरएन अभियन्ताहरुको बाक्लो उपस्थिति रहेको छ। युरोप संयोजक कुल आचार्यको अध्यक्षतामा भईरहेको कार्यक्रममा राष्ट्रिय समन्वय परिषद जर्मनीका अध्यक्ष नवराज रोसायराले स्वागत गरेका छन्।
बैठक एनआरएन भवन निर्माण सहयोगार्थ केन्द्रित हुने भएको छ। निर्माणधिन भवनका लागि करिब २ करोड आर्थिक सहयोग जुटाउँने लक्ष्य बैठकले राखेको छ।
युरोपेली बैठकमा युरोप क्षेत्रका राष्ट्रिय समन्वय परिषदहरुका अध्यक्षहरु तथा अन्तराष्ट्रिय समन्वय परिषदका सदस्यहरुको बाक्लो उपस्थिति रहेको छ। तस्बिर:( राजेन्द्र रसाइली )
