“भनिन्छ १२ बर्ष पछि खोला नि फर्कन्छ“
लगभग १२ बर्ष पहिले स्विजरल्याण्डमा आफ्नो प्रस्तुति पस्केका नेपालका चर्चित हास्यकलाकार द्वय मदनकृष्ण श्रेष्ठ र हरिवंश आचार्य (महजोडी) पुन: तपाई हामी सामु विभिन्न कार्यक्रमका साथ् मह – यात्रा २०१६ लिएर मे २९ तारिख स्विजरल्याण्डको बर्न शहरमा आउदै हुनु हुन्छ ।
“नेपालको शैक्षिक क्षेत्रमा एनआरएनए स्विजरल्याण्डको साथ” भन्ने उद्देश्य लिएर गैर-आवसिय नेपाली संघ, राष्ट्रिय समन्वय परिषद, स्विट्जरल्याण्डको आयोजनामा हुन लागिरहेको मह -जात्रा २०१६ कार्यक्रमको सम्पूर्ण तयारी पुरा भएको छ।
नेपाली हाँस्य कला क्षेत्रमा हाँस्य व्यंग्यका साथै चेतना मुलक कार्यक्रमहरु पनि प्रस्तुत गर्दै आउनु भएका लोकप्रिय कलाकारद्वय मदनकृष्ण श्रेष्ठ र हरिवंश आचार्य (महजोडी) संगै कलाकारहरु नरेन्द्र कंसाकार , माण्डवी त्रिपाठी , यमन श्रेष्ठ र मोहित आचार्यको पनि बेजोड प्रस्तुति रहने छ ।
यस कार्यक्रम बाट बचत भएको सम्पूर्ण रकम नेपालमा शैक्षिक क्षेत्रमा सहयोग गर्ने गैर आवसिय नेपाली संघ, राष्ट्रिय समन्वय परिषद, स्विट्जरल्याण्डले निर्णय गरिएको पनि जानकारी गराउदछौं ।
नेपालका प्रतिष्ठित एवं चर्चित कलाकारको बेजोड प्रस्तुति हेर्ने र सुन्ने यस सुवर्ण अवसरलाई सदुपयोग गर्दै कार्यक्रमलाई सफल बनाउन सम्पूर्ण स्विजरल्याण्डवासी नेपाली दाजुभाई तथा दिदिबहिनीहरुमा उपस्थितिको लागि हार्दिक अनुरोध गर्दछौ ।
कार्यक्रमको जानकारी :
मिति = २९ मे २०१६ , आईतवार
ठेगाना = Steigerhubelstrasse 65, 3008 Bern
गेट खुल्ला = १४.०० बजे
कार्यक्रम शुरु = १५.०० बजे
प्रवेश शुल्क = ५० स्विस फ्रान्क (साथमा नेपाली खाना र सफ्ट ड्रिंक )
गैर-आवसिय नेपाली संघ,
राष्ट्रिय समन्वय परिषद, स्विट्जरल्याण्ड
